Situata

Sistemi i kujdesit shëndetësor në rajonin e Mokrës është mezi i zhvilluar. Ka një mjek që është në dispozicion në rajon në ditë të caktuara. Megjithatë, pacientët zakonisht duhet të shkojnë në spitalin e Pogradecit – udhëtimi është shumë i gjatë, rrugët janë të këqija dhe transporti publik është i shtrenjtë. Tradicionalisht kujdesi ofrohet nga familja. Por meqenëse shumë të rinj janë shpërngulur në qytet apo jashtë vendit, gjithnjë e më shumë të moshuarit në fshatrat malore janë lënë të kujdesen për veten e tyre.

Si ndihmon shërbimi ynë

Në kuadër të projektit të shërbimit në komunitet, ne ofrojmë kujdes shëndetësor dhe psiko-social, kryesisht në njësinë administrative Velçan me fshatrat Buzahishtë, Senishtë, Laktesh, Bishnicë, Spellë, Losnik dhe Jollë. Projekti ynë ofron shërbime mjekësore dhe kujdes falas për personat me aftësi të kufizuara ose sëmundje kronike si dhe për familjet e varfra nga minoritetet rome dhe egjiptiane – pavarësisht nga ngjyra e lëkurës, gjinia, kombësia, kultura apo feja e njerëzve.

Infermieri Bashkim Lilo dhe punonjësja sociale Valbona Balla po kujdesen për rreth 50 pacientë. Shumica prej tyre kujdesen në shtëpi edhe pse disa vijnë në qendrën tonë në Bishnicë. Fokusi kryesor është monitorimi i diabetikëve dhe mbështetja për personat me aftësi të kufizuara. Ne gjithashtu ofrojmë kujdes dhe mbështetje sociale për familjet, veçanërisht përmes këshillimit dhe edukimit social, si dhe për të moshuarit, beqarët.

Në raste të veçanta i çojmë pacientët edhe në spitalin e Pogradecit nëse shëndeti i tyre kërkon trajtim më intensiv.